Gipangunahan sa mga opisyales ug miyembro sa Metro Kidapawan Water District Union of Employees (MKWDUE) ang bloodletting activity buntag sa Mayo 6, 2024, sa MKWD covered court atol sa selebrasyon sa ikanapulo nga tuig sa ilang pagkamugna.

Dako ang pasalamat sa presidente sa unyon nga si Charlie P. Lumagod sa suporta nga gihatag sa MKWD management nga gipanguluhan ni General Manager Atty. William M. Angos, CPA, aron nahimong malampuson ang maong aktibidad.

Nagpaabot usab ang MKWDUE sa ilang pasalamat ngadto kang Kidapawan City Mayor Atty. Jose Paolo M. Evangelista ug sa mga personnel ug staff sa Kidapawan City Health Office inubanan sa ilang team leader nga si Dr. Jovelina C. Morillo sa pag-facilitate nila sa bloodletting activity atong adlawa.

Ang Kidapawan City Blood Bank, nakakuha ug 29 bags sa dugo gikan sa mga donors nga nisalmot sa maong kalihukan. Matod pa nila, dakong tabang ang mahatag niini sa mga nanginahanglan ug dugo. – jbo/PRU