Dako ang pasalamat sa Metro Kidapawan Water District sa Lokal nga Panggamhanan sa Lungsod sa Kidapawan ubos sa liderato ni Mayor Atty. Jose Paolo M. Evanglista sa gipahigayon niini nga road improvement project sa Sitio Bagong Silang padulong sa Lapaan Dam Entrance sa Sitio Sumayahon Brgy. Perez, Kidapawan City.

Human sa pag-implementa niini atong Mayo 5, 2024, hapsay na nga magamit ang access road sa mga lumulopyo sa maong Barangay kung asa usab nahimutang ang ubang mga pasilidad sa MKWD.

Usa niini ang Lapaan Dam 3 sa Sitio Bagong Silang. Kini nga proyekto, muhatag dugang water supply alang sa mga kunsumidores sa MKWD tugod kay aduna kini kapasidad nga mupundo ug 3,500 cu.m nga tubig. – jbo/pru