Ginapahibalo ang tanang konsumidores sa Metro Kidapawan Water District nga sa kasamtangan ginapahamtangan na ug solusyon ang “LANDSLIDE AREA” sa atoang Lapaan dam arun di na makatugaw sa supply sa atoang tubig. Sa pagkakaron, tungod humok na kaayo ang yuta sa bakilid, mabanlas kini kada adunay kusog nga ulan. Mahimo kining tubigun nga lapok ug musagul sa dagayday sa sapa sa Saguing river padulong sa atoang Lapaan Dam, ug mao kini ang hinungdan nga magsige’g kalubog atoang tubig matag duna’y kusog nga ulan, ug kini dili na makaya i-filter sa atoang planta. Tungod niini, mapugsan ang MKWD nga palungon ang water services sa apektadong mga lugar arun malikayan ang pagpaagas sa lubog nga tubig ug maprotektahan ang katawhan.
Ang teknikal nga solusyon nga ginatrabaho sa pagkakaron sa area mao ang “SLOPE PROTECTION MEASURE” pinaagi sa pagbutang ug mga ali para mapakunhod ang lapukong tubig nga padulong sa sapa, ug mabuhatan pug ug bag-ong kanal nga mamahimoung gawsanan sa lubog nga tubig arun di na muagi sa dam. Arun malikayan na ang pagkabanlas sa yuta sa musunod nga mga panahon, pagababagan ug mga gabion ang base sa mga bakilid, ug aduna puy mga pagpananum ug Tahiti ug Giant Bamboo sa dakung bahin sa palibot arun makatabang sa pagunit sa yuta.
Ginahimo sa MKWD ang tanan arun paspas kini nga mahuman nga proyekto, arun makasinati na kita ug maayong supply sa tubig sa labing dali nga panahon. Samtang ginatrabaho pa ang maong proyekto sulod sa pipila ka simana, makasinati kita ug PAGKAWALA SA TUBIG, busa ginaawhag ang tanan nga magtigum ug tubig matag panahon nga makapaagas kita sa apektadong mga area. Aduna pud ta’y gipang-abrehan nga mga “FREE WATER STATIONS” nga nauna na natung giphibalo ang gikahimutangan sugod alas syete sa buntag hangtud alas syete sa gabii (7am-7pm). Ginapasalamatan ang inyong bililhung pagsabot ug makanunayong suporta sa MKWD.
(It was written in Cebuano, FB translate it automatically)