PUBLIC SERVICE
June 1, 2020

Ginapahibalo ang tanan nga konsumidores sa Metro Kidapawan Water District nga tungod sa sunod-sunod nga pag-ulan nga nasinati, adunay nahitabong landslide 1.5 kilometro gikan sa atoang Lapaan Dam nga gaserbisyo sa dakong bahin sa tibuok service areas sa MKWD. Kining mga yutaa dati nang naapektuhan sa mga linog nga nasinatian, ug karun ra nagsugod ug katumpag. Ginakasubo namo nga ipahibalo nga makasinati sa pagkawala sa tubig sulod sa pipila ka simana ang nasangpit nga mga lugar; busa ginaawhag ang tanan sa pagpangandam ug pagtigum ug tubig.

Adunay mga free water service stations nga giplastar sa mga mosunod:
Sudapin (atbang sa Estañol outpost – ug isa pud sa unahan ra gamay sa outpost)
Apo Sandawa Homes Phase II (atbang sa Mikanto Hardware)
Brgy. Balindog ( duol sa Ranara Residence-dalan pa-New Bohol),
ug aduna pay laing istasyon nga pagaabrihan palihug atangi ang dugang pahibalo sa buhatan.

Sa pagkakaron aduna na’y teknikal nga mga solusyon nga ginapahamtang ang buhatan nga pagasugdan karong simanaha. Ginalauman nga mahuman ang proyekto sa labing dali nga panahon. Ginahangyo ang makanunayong pagsabot sa tanan, ginahimo sa MKWD ang tanan arun mabalik ang agas sa atoang tubig sa labing dali nga panahon.

Para sa dugang nga impormasyon pwede kamo motawag sa mga mosunod:

ENGR. ELBEN S. DAQUIPA – 09338512810
TOTONG BARON – 09338507929
CHARLIE P. LUMAGOD – 09338507930
JONATHAN AGBON – 09333719797